ఈ పుట ఆమోదించబడ్డది
రేకు: 0065-06 ధన్నాశి సం: 01-339 అధ్యాత్మ
పల్లవి:
చదివెఁబో ప్రాణి సకలము యీ-
చదువుమీఁది విద్య చదువఁడాయఁగాని
చ.1:
సిరులు చంచలమని చేఁతలధ్రువమని
పరగుసంసారము బయలని
తొరలిన సుఖమెల్ల దుఃఖమూలమని
యెరిఁగి లోభమువీడ నెరఁగఁడాయఁగాని
చ.2:
తలకొన్న ధర్మమే తలమీఁది మోఁపని
వలసీనొల్లమి దైవవశమని
కలిమియు లేమియుఁ గడవఁగ రాదని
తెలిసి లోభము వీడఁ దెలియఁడాయఁగాని
చ.3:
యేచిన పరహితమెంతయుఁ దమ దని
వాచవులిన్ని నెవ్వగలని
యీచందమున వేంకటేశుచేఁతలని
చూచి లోభమువీడఁ జూడడాయఁగాని
