ఈ పుట ఆమోదించబడ్డది
రేకు: 0063-౦1 భైరవి సం: 01-322 కృస్ణ
పల్లవి:
వీఁడివో యిదె వింతదొంగ
వేఁడిపాలు వెన్న వెరఁజినదొంగ
చ.1:
వెలయ నీటఁ జొప్పువేనేటి దొంగ
తలగాననీక దాఁగు దొంగ
తలఁకక నేలదవ్వేటిదొంగ
తెలసి సందెకాడఁ దిరిగేటి దొంగ
చ.2:
అడుగుకింద లోకమడఁచేటి దొంగ
అడరి తల్లికినైన నలుగుదొంగ
అడవిలో నెలవైయున్న దొంగ
తొడరి నీలికానెతో నుండు దొంగ
చ.3:
మోస మింతుఁల జేయుముని ముచ్చుదొంగ
రాసికెక్కిన గుఱ్ఱంంపు దొంగ
వేసాల కిటు వచ్చి వేంకటగిరిమీఁద
మూసినముత్యమై ముదమందు దొంగ
