ఈ పుట ఆమోదించబడ్డది
రేకు: 0005-01 ఆహిరి సం: 01-029 అంత్యప్రాస
పల్లవి: పెంచఁబెంచ మీఁదఁ బెరిగేటిచెలిమి
ఇంచుకంత తాలిముల కెడలేనిచెలిమి
చ. 1: అంటుముట్టులేక మనసులంటుకొన్న చెలిమి
కంటఁగంట నవ్వించేఘనమైనచెలిమి
వెంటవెంటఁ దిరిగాడు వెఱ్ఱిగొన్న చెలిమి
యింటివారిచిత్తములకు నెడరైనచెలిమి
చ. 2: చెక్కుచెమట పెక్కు వలనే చిక్కనై నచెలిమి
యెక్కడౌటా తమ్ముఁదమ్ము నెఱఁగనీనిచెలిమి
చక్కఁదనమే చిక్క మేనుచిక్కినట్టిచెలిమి
లెక్కలేని యాసలెల్ల లేఁతలయినచెలిమి
చ. 3: అంకురించినట్టితలఁపు లధికమయినచెలిమి
లంకెలయినయాసలెల్లా లావుకొన్న చెలిమి
వేంకటాద్రివిభునిఁ గూడి వేడుకయినచెలిమి
పంకజాననలకెల్లఁ బాయరానిచెలిమి
