ఈ పుట ఆమోదించబడ్డది
రేకు: 0౦47-07 భూపాళం సం: 01-292 భగవద్గీత కీర్తనలు
పల్లవి:ఏ కులజుఁడేమి యెవ్వఁడైననేమి
ఆకడ నాఁతడె హరి నెఱిగిన వాఁడు
చ.1:పరగినసత్యసంపన్నుఁడైనవాఁడే
పరనిందసేయఁ దత్పరుఁడుగాని వాఁడు
అరుదైన భూతదయానిధియగువాఁడే
పరులుదానేయని భావించు వాఁడు
చ.2:నిర్మలుఁడై యాత్మనియతి గలుగువాఁడే
థర్మతత్పరబుద్ధిఁ దగిలిన వాఁడు
కర్మమార్గములు గడవనివాఁడే
మర్మమై హరిభక్తి మఱవని వాఁడు
చ.3:జగతిపై హితముగాఁ జరియించు వాఁడే
పగలేక మతిలోన బ్రతికిన వాఁడు
తెగి సకలము నాత్మ దెలిసివాఁడే
తగిలి వేంకటేశుదాసుఁడయిన వాఁడు
