ఈ పుట ఆమోదించబడ్డది
రేకు: 0004-07 దేసాక్షి సం: 01-027 భక్తి
పల్లవి: నిన్నుఁ దలఁచి నీపేరు దలఁచి
నన్నుఁ కరుణించితే నెన్నికగాక
చ. 1: అధికునిఁ గాచు టేమరుదు నన్ను-
నధమునిఁ గాచుట యరుదుగాక నీకు
మదురమౌ టేమరుదు మధురమూ, చేఁదు
మధురమౌటే మహిలో నరుదుగాక
చ. 2: అనఘునిఁ గరుణింప నరుదుగాదు నీకు
ఘనపాపుని నన్నుఁ గాచు టరుదుగాక
కనకము గనకము గానేల, యినుము
కనకమవుటే కడు నరుదుగాక
చ. 3: నెలకొన్నభీతితో నిన్నుఁ జెనకితిఁగాక
తలకొన్నసుఖినైనఁ దలఁచనేల నిన్ను
యెలమితోఁ దిరువేంగళేఁశుడ నాపాలఁ
గలిగి నీకృప గలుగఁ జేతువుగాక
