ఈ పుట ఆమోదించబడ్డది
రేకు: 0044-03 కన్నడగౌళ సం: ౦01-270 వైరాగ్య చింత
పల్లవి:నీమహత్త్వంబు లోనికిఁ వెలుపలికిఁ గప్పి
కామింప నిట్టిదని కానరా దటుగాన
చ.1:నిండి యిన్నిటిలోన నీవు గలవని భ్రాంతి-
నుండుదువుగాని నీ వొకటియునుఁ గావు
దండిగలగిరి ప్రతిద్వని దోచుఁగాని యది
కొండలోపల లేదు కొండయునుఁ గాదు
చ.2:బలసి యిన్నిటిలోపలనుఁ జైతన్యమై
మెలఁగుదువుగాని యేమిట నీవు లేవు
పలుదెరఁగులైన దర్పణమునందొక నీడ
వొలయుఁగా కందు దలపోయు నది లేదు
చ.3:వుడుగ కన్నిటిలోన నుండుటయు లేదు నీ-
వుడివోయి యందుండ కుండుటయు లేదు
చెడనితేజముగాన శ్రీవేంకటేశ నీ-
పొడవు పరిపూ ర్ణమై పొలుపాందుఁగాన