ఈ పుట ఆమోదించబడ్డది
రేకు: ౦౦42-02 పాడి సం: 01-256 కృష్ణ
పల్లవి:బాలులతో వీథులలోఁ బారాడువాఁడు
కోలలెత్తుక వుట్లు గొట్టీఁ జుండీ
చ.1:నారికడపువక్కలు నానిన సనగలు
చారపప్పుఁ దేనెలు చక్కెరలును
పేరిననేతులు నానబియ్యాలు నుట్ల నవే
చేరి యశోదబిడ్డకు జెప్పేరు సుండీ
చ.2:చక్కిలాలు నడుకులు సనిగెపప్పులును
చెక్కిన మెత్తనితూఁట చెఱకులును
పెక్కువగా నుట్లలో బిందెల నించిన వవే
చక్కనెశోదబిడ్డకుఁ జాటేరు సుండీ
చ.3:నవ్వులుఁ జిటిబెల్లాలు నున్ననిచిమ్మిలులు
నవ్వుటిడియునుఁ జిన్ని నురుగులును
యెవ్వారు వేంకటపతి కెఱుగించ నారగించి
కివ్వకివ్వ నవ్వ నణఁకించీ జుండీ