ఈ పుట ఆమోదించబడ్డది
రేకు: 0039-02 సామంతం సం: 01-238 వైరాగ్య చింత
పల్లవి:పాయపుమదముల బంధమా మము
జీయని యిఁకఁ గృపసేయఁగదో
చ.1:ధనథాన్యములై తనులంపటమై
పనిగొంటివి నను బంధమా
దినదినంబు ననుతీదీపులం బెను-
గనివైతివి యిక గావఁగదో
చ.2:సతులై సుతులై చలమై కులమై
పతివైతివి వోబంధమా
రతిఁ బెరరేఁపుల రంతులయేఁపుల
గతిమాలితి విఁక గావఁగదో
చ.3:పంటై పాఁడై బలుసంపదలై
బంటుగ నేలితి బంధమా
కంటి మిదివో వేంకటగిరిపై మా-
వెంటరాక తెగి విడువఁగదో