ఈ పుట ఆమోదించబడ్డది
రేకు: 0036-05 వరాళి సం: 01-224 అధ్యాత్మ
పల్లవి:అన్నలంటాఁ దమ్ములంటా ఆండ్లంటా బిడ్డలంటా
వన్నెల నప్పులుగొన్నవారువో వీరు
చ.1:తెగనీక అప్పులెల్లాఁ దీసితీసి | వారు
తగిలినఁ బెట్టలేక దాఁగి దాఁగి
వెగటునఁ బారిపోఁగా వెంట వెంట | పెక్కు
పగల నప్పులుగొన్న వారువో వీరు
చ.2:సేయరానిపనులెల్లఁ జేసిచేసి | తవ-
రాయడికి లోలోనే రాసిరాసి
కాయములోచొచ్చిచొచ్చి కాఁచికాఁచి | మున్ను
వ్రాయనిపత్రాల కాఁగేవారువో వీరు
చ.3:దొరయై యప్పులవారిఁ దోసితోసి | యీ-
పరిభవములనెల్లఁ బాసిపాసి
సిరులవేంకటపతిఁ జేరిచేరి | యిట్టి ...
వరుసనే గెలిచినవారువో వీరు