ఈ పుట ఆమోదించబడ్డది
రేకు: 0034-03 శంకరాభరణం సం: 01-210 అథ్యాత్మ
పల్లవి: ఇన్నిచేఁతలును దేవుఁడిచ్చినవే
వున్నవారియీవులెల్ల నొద్దికయ్యీనా
చ.1: తెగనియాపదలకు దేవుఁడే కలఁడుగాక
వగలుడుపఁ బరులవస మయ్యీనా
నొగిలి యితరలకు నోళ్ళుదెరచిన
నగుఁబాటేకాక మానఁగఁబొయ్యీనా
చ.2: అగ్గలపుదురితాలు హరియే మానుపుఁగాక
బగ్గన నొక్కరు వచ్చి పాపఁబొయ్యేరా
తగ్గుముగ్గులైనవేళ తలఁచినవారెల్ల
సిగ్గుఁబాటేకాక తమ్ముఁ జేరవచ్చేరా
చ.3:యెట్టు నేసినను వేంకటేశుఁడే నేరుచుఁగాక
కట్టఁగడవారెల్లఁ గరుణించేరా
యిట్టే యేమడిగిన నీతఁడే యొసఁగుఁగాక
వుట్టిపడి యెవ్వరైనా నూరడించేరా
