ఈ పుట ఆమోదించబడ్డది
రేకు: 0033-05 సామంతం సం; 01-206 అథ్యాత్మ
పల్లవి:పోయఁబోయఁ గాలమెల్ల పూఁటపూఁటకు
చేయి నోరు నోడాయ చెల్లఁబో యీరోఁతలు
చ.1:తిప్పన తొప్పన కేతు దేవన బావన గనున్న
పప్పన బొప్పనగారి బాడిపాడి
కుప్పలుఁదెప్పలు నైనకోరికెలు మతిలోన
యెప్పుడుఁ బాయకపోయ నెన్ని లేవు రోఁతలు
చ.2:కాచన పోచన మాచు కల్లప బొల్లప మల్లు
బాచన దేచనగారిఁ బాడిపాడి
యేచినపరసుఖము నిహమును లేకపోయ
చీచీ విరిగితిమి చెప్పనేల రోఁతలు
చ.3:బుక్కన తిక్కన చెల్లు బూమన కామన పేరి-
బక్కల నిందరి నోరఁ బాడిపాడి
యెక్కువైన తిరువేంకటేశునిఁ దలఁచలేక
కుక్కకాటుఁ జెప్పుటాటై కూడె నిన్ని రోఁతలు
