ఈ పుట ఆమోదించబడ్డది
రేకు: 0032-05 ఖైరవి సం: 01-199 అధ్యాత్మ
పల్లవి:సడిబెట్టెఁగటకటా సంసారము చూడ-
జడధి లోపలి యీఁత సంసారము
చ.1:జమునోరిలో బ్రదుకు సంసారము చూడ
చమురు దీసిన దివ్వె సంసారము
సమయించుఁ బెనుదెవులు సంసారము చూడ
సమరంబులో నునికి సంసారము
చ.2:సందిగట్టినతాడు సంసారము చూడ
సందికంతలతోవ సంసారము
చుందురునిజీవనము సంసారము చూడ
చంద మేవలెనుండు సంసారము
చ.3:చలువలోపలివేఁడి సంసారము చూడ
జలపూఁతబంగారు సంసారము
యిలలోనఁ దిరువేంకటేశ నీదాసులకు
చలువలకుఁ గడుఁజలువ సంసారము