ఈ పుట ఆమోదించబడ్డది
రేకు: 0031-04 ముఖారిసం: 01-191 దశావతారములు
పల్లవి:బ్రహ్మ గడిగిన పాదము
బ్రహ్మము దానె నీపాదము
చ.1:చెలఁగి వసుధ గొలిచిన నీపాదము
బలి తల మోపిన పాదము
తలఁకక గగనము దన్నిన పాదము
బలరిపుఁ గాచిన పాదము
చ.2:కామినిపాపము గడిగిన పాదము
పాముతల నిడిన పాదము
ప్రేమపు శ్రీసతి పిసికెడి పాదము
పామిడి తురగపుఁ పాదము
చ.3:పరమయోగులకుఁ బరిపరి విధముల
పరమొసఁగెడి నీపాదము
తిరువేంకటగిరి తిరమని చూపిన-
పరమపదము నీపాదము