ఈ పుట ఆమోదించబడ్డది
రేకు: 0030-05 ఖైరవి సం; 01-186 వైరాగ్య చింత
పల్లవి:ఎంతపాపకర్మవాయ యెంతవింతచింతలాయ
వింతవారితోడిపాందు వేసటాయ దైవమా
చ.1:చూడఁజూడఁ గొత్తలాయ చుట్టమొకఁడు లేఁడాయ
వీడుఁబట్టు ఆలుచాయ వేడుక లుడివోయను
జోడుజోడు గూడదాయ చొక్కుఁదనము మానదాయ
యేడకేడ తలపోఁత యెంతసేసె దైవమా
చ.2:నీరులేనియేఱు దాఁటనేర దెంతేలోఁతాయ
మేరవెళ్ల నీఁదఁడాయ మేఁటిఁ జేరఁడాయను
తోరమైన ఆస లుబ్బి తోవ గానిపించదాయ
కోరి రాకపోకచేత కొల్లఁబోయఁ గాలము
చ.3:తల్లీ దండ్రి దాత గురువు తానెయైననాచారి
వల్లభుండు నాకు మేలువంటిదాయ జన్మము
కల్లగాదు వేంకటేశుఘనుని పాదసేవ నాకు
మొల్ల మాయ నామనసు మోదమాయ దైవమా