రేకు: 0020-02 మాళవి సం: 01-120 హనుమ
| పల్లవి : |
బాపు దైవమా మా పాలిభవమా
తీపు రాకాసినెత్తురు దీం దోందోం దోందోం దోందోం
|
|
| చ. 1: |
కాలనేమిపునుకిది కంచువలె లెస్స వాఁగీ
తాళమొత్తరే తత్త తత తత్తత్త
కాలమెల్ల మాభూతగణమెల్ల వీఁడె కాచె
నేలఁబడి నేఁడును ధీం ధీం ధీం ధీం ధీం ధీం ధీం
|
|
| చ. 2: |
పగగొని మానక పచ్చి నెత్తు రెప్పుడును
తెగి కొనుఁ దానె తిత్తి తిత్తి తిత్తితి
తగుమహోదరువీఁపు దణధణమని వాఁగీ
బిగీ -యుంచరే తోలు బింభిం బింభిం బింభింభిం
|
|
| చ. 3: |
మురదనుజుని పెద్దమొదలియెముకఁ దీసి
తురులూదరే తుత్తు తుత్తు తుత్తుత్తు
తిరువేంకటగిరిదేవుఁడు గెలిచిన స-
మరమునను మమ్మ మమ్మ మమ్మ మమ్మమ
|
|
