పుట:తరికొండ నృసింహశతకము (తరికొండ వేంగమాంబ).pdf/47

ఉ.⁠

ఆడకు హంగ పుట్టఁగను నార్భటమందుచు నింటిలోనఁ బో రాడుచునుండినంతటను, నంతకు[1]కింకరు లొచ్చి వేగఁ ద న్నీడిచి తన్నఁగాను దన కెవ్వరు నడ్డముగాను రారు; ఆ గోడెడఁబాప నీవె! తరిగొండ నృసింహ! దయాపయోనిధీ!

⁠ 34

భావం:

దయాసముద్రుడవయిన శ్రీ తరిగొండ లక్ష్మీనృసింహదేవా! జీవుడు అవసానదశను చేరుకొని ఇంటిలో మృత్యువుతో పోరాడుతూ వుండగా, యముని సేవకులు వచ్చి తనను బలవంతంగా లాగి, తన్నినప్పుడు, తన కెవ్వరూ అడ్డపడలేరు. అలాంటి ఆపత్ సమయంలో ఆ బాధనూ, దుఃఖాన్నీ, నివారించి జీవుణ్ణి ఆదుకొనే సంరక్షకుడవు నీ వొక్కడవే సుమా! (అటువంటి సర్వరక్షకుడవయిన నీకు నావందనం!)

1. 'కింకరులు+వచ్చి' - అని పదవిభాగము