పుట:తరికొండ నృసింహశతకము (తరికొండ వేంగమాంబ).pdf/28

ఉ.⁠

నిండిన భక్తితోడుతను నిన్ను నుతించెద సర్వకాలమున్, అండజవాహ! నిన్నుఁ గొనియాడిన భాగ్యఫలం బదెట్టిదో! పండెను నాదు కోరికలు పండితపాలన! బుద్ధరూప! ఓ కుండలిశాయివెన తరిగొండ నృసింహ! దయాపయోనిధీ!

⁠ 15

భావం:

దయాసముద్రుడవయిన శ్రీ తరిగొండ లక్ష్మీనృసింహస్వామీ! ఓ గరుడవాహనా! నిన్ను కొనియాడినందువల్ల కలిగిన పుణ్యాలఫలితం ఎంతటిదో! కాని, అందువల్ల నా కోరికలు పూర్తిగా పండినాయి. కావున కలకాలం మిమ్ములను పరిపూర్ణమైన భక్తితో కొనియాడుతూ వుంటాను దేవా! జ్ఞానులయిన సజ్జనులను సంరక్షించే శేషశాయీ! బుద్ధావతారా! మీకు నా అభివాదం!