పుట:చిత్రభారతము (చరికొండ ధర్మన).pdf/85

క.⁠

కురులు కొనగోళ్లచే దు వ్వి రసంబులు చిల్కు కమ్మవిరులం జెవిపై నెరవిరులు బాగుగా ని ల్పిరి కొప్పులు దిద్ధి యానిలింపాబ్జముఖుల్.

⁠ 23

వ.⁠

ఇవ్విధంబున నవ్విలాసినులు చీనిచీనాంబరసుగంధానులేప నానర్ఘ్యమణిభూషణమనోహరమాల్యంబులు ధరించి.

⁠ 24

సీ.⁠

ముఖచంద్రరోచులు మోహరించినఁ జూచి              వేనలిచీఁకట్లు వెనుకఁ దొలఁగఁ గౌను సింగంబులఁ గనుఁగొని కుచకుంభి              కుంభముల్ ఱవికల కొంగులీఁగఁ బలుకు కోకిలకూఁత లలరిన నధరంపుఁ              బల్లవంబులు ద్విజపంక్తిఁ జేర దరహాసచంద్రికల్ తళుకుచూపినఁ బాద              సరసిజాతంబులు సంచలింప

⁠

తే.⁠

వఱలి మట్టియ లందియల్ సరవి మొరయఁ గాంచికాదామకింకిణీక్వణన మెసఁగ నీరజాక్షులు సురపొన్ననీడఁ దపముఁ జేయుచున్నట్టి తుల్యుఁ గాంచిరి ముదమున.

⁠ 25

వ.⁠

అయ్యవసరంబున.

⁠ 26

క.⁠

ఒక్క కమలాక్షి యలసతఁ జిక్కితి నని యుత్తరీయచేలమునఁ గడున్ గ్రిక్కిఱిసిన నునుగుబ్బలఁ జిక్కిన గంధంబు [1]కమ్మ చెమటల నార్చెన్.

⁠ 27

1. గ్రమ్మఁ జెమటల