పుట:చిత్రభారతము (చరికొండ ధర్మన).pdf/61

ఉ.⁠

ఆయమరాచలంబు ధనువై విలసిల్లఁగ విష్ణుఁ డమ్ము గా వేయిశిరంబులం బరిఢవిల్లెడుశింజినిఁ గూర్చియున్న శూ లాయుధు మాటమాత్రమున నంగము వ్రయ్యఁగ మోఁది మించితౌ తీయనివింటనే వెనుకతీయనిబీరమునన్ మనోభవా.

⁠ 80

క.⁠

[1]కఱకై మీఱియు నాయ క్కఱకై చనుదేఱ నిన్నుఁ గనుఁగొనినపుడే చెఱకువిలుఁ బూనఁజూచిన చెఱకున్ లోనైరి సకలసిద్ధులుఁ దనరన్.

⁠ 81

ఉ.⁠

చండకఠోరవిష్ణుకరచక్రముకంటె మదీయదీర్ఘదో ర్దండవిజృంభమాణభిదురంబునకంటెఁ బరేతరాడ్గదా దండముకంటెఁ జంద్రధరదారుణశూలముకంటే నెక్కుడై మెండుకొనుంగదా భవదమేయమృదుప్రసవాంబకంబు దాన్.

⁠ 82

క.⁠

హరిహరకమలభవాదుల సరకు గొనక గెలుచునీకు సామాన్యమునీ శ్వరులను జయించు టనఁగా సరకా నరకాంతకాత్మసంభవ తలఁపన్.

⁠ 83

వ.⁠

ఐన నొక్కకార్యంబు వినుము. తుల్యుం డనుమునీం ద్రుండు దారుణం బగుతపంబు గావింప లోకంబులు చీకాకు పడియెఁ గావున నతనితపంబునకు విఘ్నంబు సేయవలయు; నీకు సహాయంబుగా రంభాదిదేవతాంభోజాక్షుల నంపెద ననిన నింద్రునకు నిందిరానందనుం డి ట్లనియె. మద్దనుః ప్రభావం బవధరింపుము.

⁠ 84

1. కఱకు లయి మించి నాయ
   క్కఱకుం జనుదేని వారిఁ గని నీ వపుడే
   చెఱుకువిలుఁ బూనునంతనె