పుట:చిత్రభారతము (చరికొండ ధర్మన).pdf/51

తే.⁠

నెల్లరోగంబులును నిండి వెల్లివిఱిసె వెజ్జులకుఁ బండువయ్యెఁ బూవిలుతుమామ విపులశీతలచంద్రికావితతి చల్లెఁ దరులుఁ దామరసిరులు సుద్దవిడి మురిసె.

⁠ 34

క.⁠

చేతోభవకోపంబున శీతలమని విటులు సతులుఁ జేరక యంతం జేతోభవదండన మీ శీతలమని వెఱచి కలసి చెలఁగుదు రాత్మన్.

⁠ 35

ఉ.⁠

అమ్ముని యట్టివేళ హృదయంబున నంబురుహాక్షు నిల్చి లో కమ్ముల కద్భుతంబుగ వికార మెఱుంగక కంఠదఘ్ననీ రమ్ములలోననుండి యుదర మ్ముదకంబులఁ బ్రోది సేయుచున్ నెమ్మిఁ దపం బొనర్చె ధరణీవరులున్ సురలు న్వడంకఁగన్.

⁠ 36

తే.⁠

ఇవ్విధంబున నేడువేలేండ్లు తపము ఘోరమతిఁ జేసె నామౌనికుంజరుండు గరుడగంధర్వయక్షకింపురుషసిద్ధ సాధ్యవిద్యాధరాదులు సన్నుతింప.

⁠ 37

క.⁠

ఆసమయంబునఁ దనమది వాసవుఁ డి ట్లని తలంచె వసుధాభుజగా వాసనివాసులవర్తన మీసారి వినంగరా ది దేమివిధంబో.

⁠ 38

క.⁠

సారమతిఁ గీడుమేలును జారులచేఁ దెలియవలయు జగతీశులకున్ జారులు రాజులకెల్లను దూరము గనిపించు కన్నుదోయి తలంపన్.

⁠ 39