పుట:చిత్రభారతము (చరికొండ ధర్మన).pdf/245

చ.⁠

పిడుగులు నల్గడం బడియెఁ బెల్లుగ నెత్తురువాన వట్టె మి న్నడరెఁ దురంగపుచ్ఛముల నగ్నికణంబులు రాలెఁ గైదువుల్ పొడిపొడి యయ్యె మత్తగజపుంగవగండమదాంబుధారలున్ దొడిఁబడి యింకె సైనికధనుర్ధరు లాత్మ భయంబు నొందఁగన్.

⁠ 7

వ.⁠

ఇట్లు మహోత్పాతంబులు గనుంగొని యగ్గాండీవి శాంతన వానుమతంబునఁ దచ్ఛాంతివిధానంబు గావించి నడచిన యవసరంబున.

⁠ 8

సీ.⁠

మత్తవారణగండమండలీనిస్సర              ద్దానధారల సముద్రములు పొంగ నాశీరచరణగంధర్వరింఖోద్ధూత              ధూళిచే గగనసింధువు గలంగ నిష్ఠురస్యందననేమిఘంటానినా              దముల హేమాద్రి[1]సింహములు చెదర బరభయంకరవీర బలబాహుఖడ్గదీ              ధితులచేఁ జండాంశుదీప్తి పొదల

⁠

తే.⁠

విజయదుందుభికాహళవేణుశంఖ మురజఢక్కాహుడుక్కాసమూహరావ మఖిలదిక్కులు నిండ బ్రహ్మాండ మగల సేన లరుదెంచె నాకురుక్షేత్రమునకు.

⁠ 9

క.⁠

పాండవులుఁ గౌరవులు భీ ష్ముండును ద్రోణుండు ద్రుపదముఖ్యులు నచటన్ మండితనివాసములయం దుండిరి జయకాము లగుచు నుచితప్రీతిన్.

⁠ 10

1. శిరములు చెదర