పుట:చిత్రభారతము (చరికొండ ధర్మన).pdf/202

⁠

నిచటి కేతేర నీమానవేశుఁ డెవ్వఁ డీవిధంబంతయును నాకు నెఱుఁగఁ జెపుమ.

⁠ 3

సీ.⁠

అనవుడు ధర్మనందనుఁడు గేలు మొగిడ్చి              యమ్మహాత్మునితోడ నర్జునుండు వేఁటఁబోయినయట్టివిధమును గుండినా              ధీశుండు వచ్చి ప్రార్థించుటయును నతనిఁ గావఁగఁబూని యనిమిషేశ్వరసూతి              ప్రతిన గావించినపద్ధతియును దమ్మునిమాట యుద్ధతి మీఱఁ జెల్లింపఁ              నొడఁబడ్డచందంబు నుచితభంగిఁ

⁠

తే.⁠

దెలియఁజెప్పిన నాతండు కలఁకనొంది వేఁడినిట్టూర్పు నిగిడించి విషమకార్య మయ్యెఁ గృష్ణునితోడఁ గయ్యంబుకలిమి ననుచుఁ జింతించి యిట్లను నతనితోడ.

⁠ 4

శా.⁠

భద్రేభాయుతసత్త్వశాలి సమరప్రౌఢప్రతాపాఢ్యుఁ డ చ్ఛిద్రప్రాభవుఁ డుగ్రవైరిదనుజశ్రేణీతమస్సూర్యకో పోద్రేకుండు గుణౌఘభూషణుఁడు దానోపాయదక్షుండు ని ర్ణిద్రుం డాఢ్యుఁడునైన శౌరి యనిలో నిల్వన్ హరుం డోపునే.

⁠ 5

క.⁠

ఎక్కడి చతుర్ధనుం డిటు ద్రెక్కొని యేతెంచెఁ బుండరీకాక్షునితో నెక్కడి పోరాటము మన కక్కట సమకూడె దైవమా యని మఱియున్.

⁠ 6