పుట:చిత్రభారతము (చరికొండ ధర్మన).pdf/185

క.⁠

అందందఁ బొడము తమకము ముందటికిం దిగువ సిగ్గు మునుకొని నిలుపం డెంద మురియాడ నిలిచిన మందగమనఁ జూచి హరికుమారసుతుండున్.

⁠ 144

చ.⁠

తలఁపునఁ దత్తఱం బొదవఁ దత్కరపద్మము కేల నంటినన్ డులిచె వధూటికంకణమనోజ్ఞనినాదము మీఱ వెండియున్ వలవులఱేనిపట్టి మగువా తగవా యన నూరకుండె నా నలినదళాయతాక్షి చిఱునవ్వులు ఱెప్పల నప్పళింపుచున్.

⁠ 145

తే.⁠

అంగుళీయకసౌభాగ్య మరసిచూచు వానికైవడిఁ గరపల్లవంబు కేల నంటి యల్లన నాకుసుమాస్త్రతనయుఁ డావధూమణిఁ జేర్చె శయ్యాతలంబు.

⁠ 146

వ.⁠

తదనంతరంబ.

⁠ 147

సీ.⁠

క్రొవ్విరుల్ బాగుగాఁ గొప్పునఁ జెరివెడు              నెపమునఁ దలపైని నెరులు ముడిచి కస్తూరిపత్రభంగములు దీరుచులీలఁ              గరుపాఱ గండయుగ్మంబు పుణికి వేరులు చక్కఁగాఁ బెట్టెడుమిషమునఁ              జిన్నీిగుబ్బలు గోరఁ జివుకఁ జేసి చేరంగఁ దిగిచి మచ్చికమాటలాడువై              ఖరి గళరవము చొక్కముగఁ జిల్కి

⁠

తే.⁠

కప్పురముపల్కుఁ గొఱికించు కపటమునను దక్క కందంద యధరామృతంబు [1]బీల్చి

⁠

1. గ్రోలి