పుట:చిత్రభారతము (చరికొండ ధర్మన).pdf/167

ఉ.⁠

నారదుఁ డేగుదెంచి నరనాథునిముందట నిల్చె వేడుకల్ దేరఁగ గాడ్పుచేత మహతీవరతంత్రులు విష్ణు కృష్ణ నీ రేరుహనేత్ర భూమిధర శ్రీధర యచ్యుత రుక్మిణీమనో హార ముకుంద కేశవ జనార్దన యంచుఁ జెలంగి మ్రోయఁగన్.

⁠ 44

వ.⁠

ఇవ్విధంబున సకలవిద్యావిశారదుండును నిజతనుప్రభా విజితశారదనారదుండును నగునారదుండు వచ్చిన నాచతు ర్దనుండు నిజపరిజనసహితంబుగాఁ బ్రత్యుత్థానంబుఁ జేసి తనకిరీటం బతని పాదాగ్రంబులు మోప సాష్టాంగం బెఱఁగి యమ్మహామౌని పాదరేఖలు దనమందిరం బలంకరింప నడ పించి సుఖాసీనుం గావించి యాతిథ్యం బొనరించి కృతాం జలియై యిట్లనియె.

⁠ 45

చ.⁠

మునివర, యెల్లకాలమును మ్రొక్కులచే నినుఁ బూజ సేయునా యనిమిషనాథు నింటికి నొకప్పుడు పండువు రీతి వట్టి నీ వ వనుఁ గృతార్థుఁ జేసి విభవంబులు నా కొనఁగూర్చుకారణం బునఁ జనుదెంచి తిచ్చటికిఁ బుణ్యుఁడ నైతిఁగదా జగంబునన్.

⁠ 46

వ.⁠

అనిన నమ్మహీధవునకుం గలహభోజనుం డిట్లనియె.

⁠ 47

తే.⁠

భద్రమే నీకు రాజేంద్ర, ప్రజల కెల్లఁ గుశలమే నీవు పాలించుక్షోణితలము సత్యసంపదచేతఁ బ్రశస్తమగునె పరిజనంబులకెల్ల శోభనమె చెపుమ.

⁠ 48

⁠

పరికించి పనులవారలఁ దరబడి పదములను నిల్పు దానికి రాజ్య స్ఫురణ దగ మేన సకలా భరణంబులరీతి వీడుపడకుండ నృపా.

⁠ 49