పుట:చిత్రభారతము (చరికొండ ధర్మన).pdf/154

వ.⁠

ఆ చతుర్ధనజననాయకుం డద్దేవదేవుసభామంటపంబున సన కసనందనాదులం గనుంగొని వినమితశిరస్కుండై పురో భాగంబున.

⁠ 135

తే.⁠

శ్రీహరికి నాత్మభోగ మర్పించి శాంత మూర్తియై పెక్కుభంగుల మొనసి సేవ సేయు పన్నగరాజు నీక్షించి యమ్మ హీవరుఁడు నాతనికి నమస్కృతులు చేసి.

⁠ 136

వ.⁠

తదనంతరంబ.

⁠ 137

సీ.⁠

తనతల్లి దాస్యంబు దప్పింప హరి నోర్చి              యమృతంబుఁ దెచ్చిన యధికుఁ డితఁడు క్ష్మాధరంబులఁ బోలు గజకచ్ఛపంబులఁ              గబళించి మ్రింగిన ఘనుఁ డితండు బ్రహ్మాండసంఘధురంధరుం డగు విష్ణు              నవలీలఁ దాల్చు మహాత్ముఁ డితఁడు సకలవేదములు శాస్త్రములు సంగములుగా              జనన మొందిన పుణ్యచరితుఁ డితఁడు

⁠

తే.⁠

పాపరాయని మదిలోని భయము మాన శాంతిఁ ద్రిమ్మరు పాపభంజనుఁ డితండు అనుచు నారాజశేఖరుఁ డహివిరోధిఁ గని నుతుల్ చేసె క్షేమంబు గడలుకొనఁగ.

⁠ 138

శా.⁠

విష్వద్ర్యఙ్మహనీయకీర్తిఁ ద్రిజగద్విఖ్యాతచారిత్రుఁ డీ వ్యేష్వాసోజ్జ్వలహస్తు సర్వరిపువాహిన్యంధకారార్కునిన్ విష్వక్సేనపదాంబుజార్చనవిధావిజ్ఞానపారీణు న విష్వక్సేనునిఁ జూచి మ్రొక్కె నిఖలోర్వీభర్త సంప్రీతితోన్.

⁠ 139