పుట:చిత్రభారతము (చరికొండ ధర్మన).pdf/144

⁠

కోద్భుట్టాదితాళదర్పంబులు మొదలగు నూటొక్కతాళం బుల నొత్త భృంగీశ్వరుండు పతాకాత్రిపతాకార్ధచంద్ర కటకాముఖ్యాద్యసంయుతహస్తంబు లిఱువదినాల్గును స్వస్తికగజదంతాదిసంయుతహస్తంబులు పదుమూఁ డును స్థాయిసంచారివ్యభిచారిభేదంబులం దనరు దృష్టులు ముప్పదితొమ్మిదియుం గుంచితావనతకంపితసమంబు లనం బొల్చు శిరోభేదంబులను వృశ్చిక[1]ఛిద్రమయూరమండలాది కరణంబులుం జక్రాదిభ్రమణవిశేషంబులు గలతాండవంబు బహువిధగతులం జూపి రంత.

⁠ 100

శా.⁠

శుభ్రాంశూజ్జ్వలమౌళి మెచ్చి శిర మస్తోకంబుగా నూఁపె జూ టాభ్రద్వీపవతీప్రవాహచలనవ్యాధూతహేమాంబుజా దభ్రామోదభరప్రమత్తమధుపద్వంద్వాతిఝంకార[2]రిం ఖాభ్రాజచ్చటులోర్విరావములు దిగ్వ్యాప్తంబులై నిండఁగన్.

⁠ 101

వ.⁠

అయ్యవసరంబున.

⁠ 102

శా.⁠

ఆవిశ్వేశ్వరుఁ జూచి యవ్విభుఁడు జాతానందుఁ డై "శ్రీమహా దేవాయ త్రిపురాంతకాయ గిరిజాధీశాయ కుంభీనస గ్రైవేయాయ నమో నమోస్తు విమలాకారాయ తే మేచక గ్రీవాయ ప్రమథాధిపాయ” యని మ్రొక్కెన్ నిర్వికారాత్ముఁడై.

⁠ 103

మ.⁠

అనఘా, వెండియు నూర్ధ్వమార్గమున నశ్వాధీనుఁడై రాజు దాఁ జనియెన్ భూమికి లక్షయోజనముపై చాయ న్విలోకింప భా వన సేయంగ నశక్యమై తనరు దివ్యజ్యోతిరాకారమై

⁠

1. ఛత్ర
2. కం, కాభ్రాచ్ఛచ్చటులోర్విరావములు