పుట:చిత్రభారతము (చరికొండ ధర్మన).pdf/133

⁠

నంగంబు దాల్చిన శృంగారరస మన              నూర్వశి నటనల నుబుసుపుచ్చ దేహంబు లెత్తిన తేటవెన్నెల లనఁ              గిన్నరాంగన లూడిగెములు సేయ

⁠

తే.⁠

నిర్జరీనీజ్యమానమాణిక్యకలిత చామరోద్భవపవమానచలితలలిత కుటిలకుంతలవికసితనిటలుఁ డగుచు నిండుగొలువుండఁ గనుఁగొనె నృవవరుండు.

⁠ 59

వ.⁠

కనుంగొని మనంబున ఘనంబగుసంతోషంబునం జెంది తత్ప్రాంతంబుననున్న సిద్ధవిద్యాధరగరుడగంధర్వాదిదివ్య గణంబుల నాలోకింపుచుఁ దురంగగమననీయమానుండై చనిచని.

⁠ 60

ఉ.⁠

భీష్మపరాక్రమస్ఫురణఁ బేర్చిన వీరులయుజ్జ్వలప్రతా పోష్మవిజృంభణంబున మహోగ్రవిభావసుపాలనంబునం గ్రీష్మము దానయయ్యుఁ బ్రజఁ గేవలశైత్యము నందఁ జేయు న ర్చిష్మతిపేర నొప్పిడు పురి న్వెఱఁగొందుచుఁ జూచె దవ్వులన్.

⁠ 61

శా.⁠

ప్రాకారంబులు రమ్యహర్మ్యమణికుంభస్తోమముల్ గోపురా నీకంబున్ ధనధాన్యరాసులును మాణిక్యావళికల్పితా నేకక్షోణిధరంబులుం సరసులున్ లీలావనవ్రాతమున్ శ్రీకిం బట్టగు పౌరసంచయము నర్థిం గాంచి యాముందటన్.

⁠

సీ.⁠

సంతుష్టమానసస్వాహాస్వధాకాంత              లుభయపార్శ్వంబుల నోలగింప శృంగచతుష్టయాంచితమస్తకద్వయం              బున రత్నకోటీరములు వెలుంగ

⁠