పుట:చారుచర్య (అప్పకవి).pdf/20

36

చారుచర్య

చ.⁠

నలికపుఁగౌను చారుజఘనంబును వట్రువ వల్దచన్నులున్ బలుచని దీర్ఘనీలకచభారముఁ జెన్నుమొగంబు వాలుఁగ న్నులు మెఱుఁగారి సన్న మయి నున్నగు చామనచాయగాత్రమున్ బలితపుసిగ్గు గల్గు నెలప్రాయపుసుందరిఁ బొంద మేలగున్.

⁠ 58

తే.⁠

మెలఁగునప్పుడ క్రొక్కారుమెఱుఁగువోలెఁ భ్రాంతమున నిల్చినప్పుడు ప్రతిమఁ బోలి యురమునను జేర్చినప్పుడు విరులదండఁ బోలు తిన్ననికామినిఁ బొందమేలు.

⁠ 59

చ.⁠

ఒదవఁగఁ గూర్చిరేనియును నొప్పదు మన్మథకేళి పిమ్మటన్ సుదతులగాత్రముల్ గదిసి సుప్తి యొనర్చిన రాజకోటికిన్ నిదురలఁ జెందియున్న రమణీతిలకంబుల యూర్పుగాడ్పులన్ జెదిరి తొలంగు నండ్రు కడుఁ జేసిన నాథుల మేలిపుణ్యముల్.

⁠ 60

మ.⁠

ఇరుప్రొద్దు న్నరుఁ డల్పభోజి యయి తా నేప్రొద్దు శుద్ధాత్ముఁడై చరణత్రాణములందు నేమరక యోజం బర్వ వర్జ్యంబుగా వరనారీరత మౌషధంబు క్రియ నిర్వాంఛామతిం బొంది యొ క్కరుఁడున్ నిద్ర భజించు వీతభయుఁ డాఖ్యం గాంచు శ్రీయుక్తుడై.

⁠ 61

ఆ.⁠

ఆవులింత నోర నాఁచి ముక్కునఁ బుచ్చి వెలయఁ దుమ్మునట్లు వీడుకొలిపి చరమధాతురక్ష సమ్మతి నొనరించు సజ్జనుండు వర్షశతము బ్రతుకు.

⁠ 62