పుట:చారుచర్య (అప్పకవి).pdf/18

34

చారుచర్య

తే.⁠

పత్త్రమూలములను రోగపటల ముండు నగ్ర మది పాపములకెల్ల నాశ్రయంబు నడిమి యీనియ బుద్ధివినాశకరము వీని వర్జించి తగఁ జేయు వీడియంబు.

⁠ 50

చ.⁠

వదనవికాససౌరభవివర్ధనకారి లసన్మదాపహం బుదరవిశేషసౌఖ్యకర ముగ్థతదోషబలప్రహారి స మ్మదజనకంబు తమ్ములము మానవతీపరిభోగవేళలన్ మదనపునర్భవీకరణమంత్రము ముఖ్యమె దాని కెద్దియున్.

⁠ 51

తే.⁠

క్షీరభోజి యై యపుడు పేగిరముతోడ తమ్ములముఁ గొన్నఁ గుష్ఠ మాతని నశించు గడియలోఁ గొన్న మేహంబు గదుకు నౌల గడియలోఁ గొన్న మూత్రరోగంబు నొందు.

⁠ 52

సీ.⁠

ఒప్పనిగంధంబు నొంద కున్కియగాదు                 మొగమునఁ గలరోగములను జెఱుచుఁ జెదరనికెంజాయఁ జెందిదంతములు ము                 ప్పోర్చునట్లుగఁ జేయు నుదరశుద్ధి గలిగించుఁ గర్పూరకలితతాంబూలంబు                 కఫవాతపైత్యంబు క్రాఁచు భేది రక్తపైత్యహరంబు రతిసౌఖ్యదము నాసి                 కాగదసంక్షయకారణంబు

⁠

తే.⁠

కన్నులకు శైత్య మొనరించుఁ గంఠమునకు మధురరుచిఁ జేయుఁ బొందించు మంగళములు దగ్గఱుగు జిహ్వ చెడ దెట్టి దప్పియైనఁ దిమ్మఁబడుఁ గప్పురముతోడి తమ్ములమున.

⁠ 53