పుట:చతుర్వేదసారము (పాల్కుఱికి సోమనాథుడు).pdf/65

56

చతుర్వేదసారము

⁠

ఆది వేశ్యాపుత్రుఁ డయ్యు వసిష్ఠుండు            శివభక్తిచేత విశిష్ఠుఁ డయ్యె బోయెతకడుపునఁ బుట్టినవ్యాసుండు            శివభక్తిచేత విశిష్టుఁ డయ్యె వ్యాధుఁ డైయుండియు వాల్మీకుఁ డనుముని            శివభక్తిచేత విశిష్టుఁ డయ్యె నజ్ఞుఁడౌ మాతంగుఁ డనెడుచండాలుండు           శివభక్తిచేత విశిష్టుఁ డయ్యె

⁠

⁠

మఱి యధమయోనుల న్బుట్టి మహిమ నెగడి పూర్వములు వీడి జగమునఁ బూజ్యు లైరి శ్రీమహాదేవుకరుణచే శ్రేష్ఠు లగుచు బ్రాహ్మణోత్తము లైరి పో బసవలింగ!

⁠ 110

⁠

తగ "దురితక్షయార్థం పరమేశ్వర            ప్రీత్యర్థ" మని యాచరింపఁ బ్రణవ రతి "దురితక్షయార్థం పరమేశ్వర            ప్రీత్యర్థ" మని యెల్లక్రియలు నడుపఁ బ్రతి "దురితక్షయార్థం పరమేశ్వర            ప్రీత్యర్థ" మని సంధ్యఁ బ్రీతి సేయఁ దగ "దురితక్షయార్థం పరమేశ్వర            ప్రీత్యర్థ" మని హవిఁ బ్రీతిఁ బెట్టఁ

⁠

⁠

దానఁ బ్రీతుఁడై యట్ల తత్కర్మఫలము లిచ్చు శ్రీశంకరుం డుండ నితరసురులఁ గొలుతు రేలొకొ భవవార్ధిఁ గూలఁదలఁచి ప్రాకృతాధము లెల్లను బసవలింగ!

⁠ 111