పుట:చతుర్వేదసారము (పాల్కుఱికి సోమనాథుడు).pdf/52

చతుర్వేదసారము

43

⁠

అదితికి నవరజుం డనఁ బుట్టి యింద్రున             కనుజుండు గాఁడె వామనుఁ డనంగ సత్యవతికిఁ బరాశరుఁ డనుమునికిని             వ్యాసుఁ డనన్ గొడు కయ్యెఁ గాదె మేరుదేవికి నాభిమేదినీపతికిని            వృషుఁ డను జనుఁ డుద్భవించెఁ గాదె యనసూయ యనుసతి కత్రియ న్మునికి ద            త్తాత్రేయుఁ డనఁ గొడు కయ్యెఁ గాదె

⁠

⁠

యిట్టు తా ధర విష్ణుండు పుట్టి కూర్మి యెసఁగఁ గులదైవ మనుచు భజించి మఱియు మఱచి మదియించి రుద్రుచే మడియుటయును భాగవత మిట్లు పల్కదే బసవలింగ!

⁠ 84

⁠

శర్వుఁ గొల్వఁడె యష్టషష్టితీర్థములందుఁ            బృథుఁ డనఁ బుట్టి యీ పృథివిమీఁద మోహినీదేవికి మొదల ధన్వంతరి            నాఁ బుట్టి కొల్వఁడె నాగభూషు నింద్రానుజుం డన నీశు భజింపఁడే            యసురాపహరణకార్యార్థమునను గృష్ణుఁ డనఁగఁ బుట్టి కృష్ణేశుఁ గొల్వఁడే            శ్రీకాశియందు విశిష్టభక్తి

⁠

⁠

యిట్టు తా ధర విష్ణుండు పుట్టి కూర్మి యెసఁగఁ గులదైవ మనుచు భజించి మఱియు మఱచి మదియించి రుద్రుచే మడియుటయును భాగవత మిట్లు పల్కదే బసవలింగ!

⁠ 85