పుట:చతుర్వేదసారము (పాల్కుఱికి సోమనాథుడు).pdf/41

32

చతుర్వేదసారము

⁠

కృష్ణేశ్వరుం డని కృష్ణుండు గొల్చుట             మహి విష్ణువాదులు మఱచిరయ్య బ్రహ్మేశ్వరుం డని బ్రహ్మయుఁ గొలుచుట             యేకాత్మవాదు లె ట్లెఱుఁగరయ్య దేవేశ్వరుం డని దేవతల్ గొలుచుట             కర్మవాదులు దీనిఁ గానరయ్య సర్వేశ్వరుం డని సన్మునుల్ గొలుచుట             శూన్యవాదులు దీనిఁ జూడరయ్య

⁠

⁠

దివిజ దనుజ మనుజ నివహంబు తమ తమ పేళ్ళమీఁద నీశుపేరు మోపి యిలఁ బ్రతిష్ఠ సేయు టిదియంతయును జగ త్ప్రత్యయంబు గాదె బసవలింగ!

⁠ 62

⁠

ఒనర ఋగ్వేదంబు నొగి "రుద్రశంతమే              భీ" యని యతులగంభీరలీలఁ జను యజుర్వేదంబునను "తవ రుద్రప్ర              ణీతా" యటంచు విఖ్యాతలీల నిల సామమున "నఘోరేభ్యో" యటంచును             దవిలి మ్రోయను మహోదాత్తలీలఁ గన నధర్వణవేదమునను "రుద్రేణాత్త             మశ్నంతి" యనుచు సమగ్రలీల

⁠

⁠

మ్రోయ నఖిలవేదమూలంబు లింగప్ర సాద మనుచు విషము శంకరునకు నర్పితంబుఁ జేసి యారగించినయట్టి ప్రతిభ మీకె యొప్పు బసవలింగ!

⁠ 63