పుట:చతుర్వేదసారము (పాల్కుఱికి సోమనాథుడు).pdf/103

94

చతుర్వేదసారము

⁠

శ్రుతివిరుద్ధమె "పితరోమాతరవ్రత"              యనఁ దండ్రి వధియించు టాగమోక్తి నిలఁ బరోక్షమె "యజే దేకం విరూపాక్ష"              మనఁ బుత్త్రు వధియించు టాగమోక్తి దుష్టమార్గమె "తత్ర తుష్యామి సువ్రతే"              యన మాంస మర్పించు టాగమోక్తి ప్రతిబద్ధమే "శరీరం గృహిణీ చైవ"              యన నాతి నిచ్చుట యాగమోక్తి

⁠

⁠

యిదియు వేదబాహ్యమే పురాతనగణ చరిత మట్ల గాఁగ శర్వుకృపకు హేతు వయ్యె నుపమ లింకేటి కూరకే పటుదయాంతరంగ! బసవలింగ!

⁠ 186

⁠

హరుఁడు దేవికి బసవాక్షరత్రయమహ               త్త్వమ్ముఁ జెప్పిన పురాణమ్ము లెఱిఁగి వసుధపై వృషభంబు బసవనామముఁ దాల్చి               యుదయించె ననఁగ వేదోక్తు లెఱిఁగి ప్రభువాది గాఁగఁ బురాతనభక్తులు               బసవనుతులు సేయుభాతి యెఱిఁగి యవిరళసద్భక్తనివహంబు బసవఁ డు               త్తమలింగ మని యాత్మఁ దలఁచు టెఱిఁగి

⁠

⁠

యట్ల యోజింతు నర్చన లచ్ఛభక్తి మదిని భావింతు మఱియు సమ్మతము దనర నిన్ను నిలుపుదు మది నెప్డు నీవె నాకుఁ బ్రాణ మనుచును మది నమ్మి బసవలింగ!

⁠ 187