శ్రీనాథుని వీథి నాటక మను శృంగార పద్యములు
| సీ. |
దీనారటంకాల తీర్థ మాడించితి
దక్షిణాధీశు ముత్యాలశాల,
[1]వాక్కు తోడై తాంధ్రభాషామహాకావ్య
నైషధగ్రంథసందర్భమునకు,
పగులఁగొట్టించి తుద్భటవివాదప్రౌఢి
[2]గాఢ డిండిమభట్టు కంచుఢక్క,
చంద్రభూషక్రియాశక్తి రాయలయొద్ద
పాదుకొల్పితి సార్వభౌమ[3]బిరుదు,
|
|
| తే. |
నెటుల మెప్పించెదో నన్ను నింక మీఁద
రావు [4]సింగన భూపాలు ధీవిశాలు
నిండుకొలువున నెలకొనియుండి నీవు
సకలసద్గుణనికురంబ! శారదాంబ!
| 1
|
| శా. |
అక్షయ్యం బగు సాంపరాయని తెలుంగాధీశ! కస్తూరికా
భిక్షాదానము సేయురా! సుకవిరాడ్ బృందారకశ్రేణికిన్
ద్రాక్షారామ[5]పురీవిహారవరగంధర్వాప్సరోభామినీ
వక్షోజద్వయకుంభికుంభములపై వాసించు నవ్వాసనల్.
| 2
|
| శా. |
ధాటీఘోటకరత్నఘట్టనమిళద్ద్రాఘిష్ఠకల్యాణఘం
టాటంకారవిలుంఠలుంఠితమహోన్మత్తాహితక్షోణిభృ
త్కోటీరాంకితకుంభినీధసముత్కూటాటవీఝాటక
ర్ణాటాంధ్రాధిప! సాంపరాయని తెలుంగా! నీకు బ్రహ్మాయువౌ!
| 3
|
- ↑ పలుకు
- ↑ గౌడ
- ↑ బిరుద మెటుల
- ↑ సింగమహీపాలు
- ↑ చళుక్యభీమ
