పుట:క్రీడాభిరామము (ఎమెస్కో).pdf/135

స్వచ్ఛందచారిణులకు మంచెన దీవెన

సీ.⁠

చెలఁగి చెలఁగి పొత్తి[1]చీరలు గట్టెడు                         మాసకమ్మకు దీర్ఘమాయు రస్తు! సారె సారెకు దేవసదనంబులకు నేఁగు                         చెడిపెకు సంకల్పసిద్ధి రస్తు! నిత్యంబు వ్యభిచారనిష్ఠతో నుండెడు                         విధవకుఁ బుత్రాభివృద్ధి రస్తు! దళముగాఁ దులసిపేరులు ధరించినయట్టి                         విశ్వస్త కారోగ్యవిభవ మస్తు!

⁠

తే.⁠

మిండముండకు సంపత్సమృద్ధి రస్తు! పఱచుతెంపికి నిత్యసౌభాగ్య మస్తు! వదరుఁగల్కికి నీప్సితావాప్తి రస్తు! బలువితంతుకు మైథునప్రాప్తి రస్తు!

⁠ 214

వ.⁠

అని యట చనునప్పుడు,

⁠ 215

మంచన కామమంజరి ననునయించుట

వ.⁠

అనిన, [2]గాంధర్వి పరదేశపట్టణంబుల వితంతువుల చేత వక్షః కుట్టనంబు సేయించుకొన మరిగి, నీ వెట్టు మమ్ముం దలంతువు? పదపద, విచ్చేయు, మనుచు నీర్ష్యాకుటిలం బగుకటాక్షంబునం జూచిన,

⁠ 216

చ.⁠

లవ లవఁ జన్నుదోయి గదలన్‌, దొలుకారుమెఱుంగుఁదీఁగలం గవ కవ నవ్వుడాలు వలికన్నుల మించులు చౌకళింపఁగా, నవ నవ యౌవనంబు గల నాఁటి భవత్పురుషాయితోద్ధతుల్‌, శివ శివ! యెన్నిభంగులను జిత్తములో మఱవంగ వచ్చునే?

⁠ 217

1. చీర గట్టెడు మాసకమ్మకుఁ జాల దీర్ఘాయు రస్తు (మూ.ప్ర.)
2. గాంధారి (మూ.ప్ర.)