పుట:కాశీఖండము.pdf/379

366

శ్రీకాశీఖండము

తే.⁠

అధికసద్భక్తిసంపద నగ్నిబిందుఁ డచ్యుతునకు నమస్కార మాచరించి పద్మలోచన కాశికాపట్టణమునఁ బ్రతివసించిన నీదురూపంబు లెన్ని?

⁠ 118

వ.⁠

మఱియు భవిష్యద్రూపంబు లెన్ని? యానతిమ్మనిన మధుసూదనుం డతని కిట్లనియె.

⁠ 119

వైష్ణవతీర్థమాహాత్మ్యము

సీ.⁠

పాదోదకం బనుప్రథమతీర్థంబున         నాదికేశవుఁ డన నధివసింతుఁ దద్దక్షిణమున శ్వేతద్వీప మందేను         జ్ఞానకేశవసంజ్ఞ సంశ్రయింతుఁ దార్క్ష్యతీర్థమునందు దార్క్ష్యకేశవుఁడ నై         యాజనంబులచేతఁ బూజఁ గొందు నందు నారదతీర్థ మాతీర్థమునఁ గేశ         వాభిధానుండ నై యతిశయింతుఁ

⁠

తే.⁠

గ్రమముతోడ నే నాల్గుతీర్థములయందు నమృతతాజ్ఞానతార్క్ష్యమహత్త్వములను బ్రహ్మవిద్యోపనిషదర్థపరిచయంబు పంచజనులకుఁ గలుగు నాప్లవనపరత.

⁠ 120

క.⁠

ప్రహ్లాదకేశవుని లను నాహ్లాదముతోడ నెవ్వఁ డభ్యర్థించుం బ్రహ్లాదతీర్థమున నేఁ బ్రహ్లాదత నతని కిత్తు భవ్యశుభంభుల్.

⁠ 121