పుట:కాశీఖండము.pdf/266

పంచమాశ్వాసము

253

తే.⁠

భక్తి సేవించువారిపాపము లడంచు దురితతరుషండశతఖండపరశుధార మదనవైరిజటాటవీమల్లికళిక యభ్రరోధిపయోభంగ యమరగంగ.

⁠ 49

క.⁠

యావజ్జీవము గంగా ఫ్లావం బొనరించునరుఁడు పంకజనయనా! జీవన్ముక్తుఁడు త్రిజగ త్పావనుఁ డని చెప్పుదురు తపస్విప్రవరుల్.

⁠ 50

తే.⁠

వలదు తిథివారనక్షత్రవర్గణంబు తీరసంవాసజనులకు వారిజాక్ష! సంచితము లైననిఖిలదోషములు వాయు నాకవాహిని నేకాభిషేకమునను.

⁠ 51

సీ.⁠

వలుదచన్నులమీఁది యులుపచ్చిగందంబు         కమ్మతావులు దిఙ్ముఖములఁ బొగవ శశికాంతమణిశిలాశకలపాండుర మైన         మెయిచాయ చంద్రికామృతముఁ గురియ జలదేవతాహస్తచామరానిలములు         కుటిలాలకములకు గొండ్లిఁ బరవ ధవళాతపత్త్రముక్తాదామకంబులు         గురుసువర్ణకిరీటకోటి నొరయఁ

⁠

తే.⁠

బూర్ణకుంభంబుతో సితాంబుజముతోడ దరముతోడ నభీతితోఁ గరము లలర నదనదీపల్వలంబులు గదిసి కొల్వఁ గాశిఁ బేరోలగం బుండు గగనగంగ.

⁠ 52