పుట:కాశీఖండము.pdf/219

206

శ్రీకాశీఖండము

చంద్రలోకవృత్తాంతము

మ.⁠

మధురాపట్టణవిప్రముఖ్య! శివశర్మా! వేదశాస్త్రాగమాం బుధిచంద్రోదయ! చంద్రలోక మిది యీప్రో లేలుచుండుం గళా నిధి యాత్మీయమయూఖకందళశిఖానిష్ఠ్యూతధారాసుధా విధులన్ భానుగభస్తితప్త మగునీవిశ్వంబు రక్షించుచున్.

⁠ 171

వ.⁠

సర్గాదియందు శతానందుండు నేత్రంబులను మరీచి, హృదయంబున భృగువు, శిరంబున నంగిరసు, నుదానంబునఁ బులస్త్యు, వ్యానంబునఁ బులహు, నపానంబునఁ గ్రతువు, బ్రాణంబున దక్షు, శ్రోత్రంబున నత్రి , సమానంబున వసిష్ఠు, సంకల్పంబున ధర్ము సృజియించె. అందు నత్రి యనుమునీశ్వరుఁడు.

⁠ 172

క.⁠

త్రిసహస్రదివ్యవర్షము లసదృశధృతి నాచరించె నాతఁడు దపమున విసమాన మతనితేజో రసపూరం బెగసె బ్రహ్మరంధ్రము దాఁకన్.

⁠ 173

సీ.⁠

బ్రహ్మరంధ్రము మోవఁ బాఱి యయ్యింద్రియ         ద్రవ మోడిగిల్లె నేత్రములలోన నేత్రగోళంబులు నిండంగఁ బర్వి యా         వీర్యంబు కలధౌతవిమలకాంతి బదిధారలై పాఱెఁ బదిదిక్కులందును         నమరాపగానిర్ఝరమునుబోలె స్రవియించుచున్న యాచరమధాతురసంబు         ధరియించి చూ లయ్యె దశదిశలును

⁠