స్మృతినివహోదిత శీలనురక్షిత ధర్మ మాధారభూతలము గాఁగ నిజభుజోద్భవసమున్నిదప్రతాపంబు కనకాలవాలమై గరిమఁ జెంద రమణీయదానధారాప్రవాహంబులు సతతాభిషేకార్థజలము గాఁగ గృతివరవారజేగీయమానగుణాళి ప్రబలతమంబైన ప్రాకు గాఁగ గరిమ గాంచినయట్టి సంకల్పలతిక మించి త్రిభువనముల నాక్రమించియుండ ధరణి వర్ధిల్లు నాచంద్రతారకముగ నీశ్వరవిభుండు తుళజమహీవిభుండు.
కోవిదశ్రేణికిఁ గొంగుబంగారంబు కవిజనమ్ములపాలి కల్పతరువు సకలసాంగీతికులకుఁ గామధేనువు బాంధవావళికిని భాగ్యరాశి నమ్మినవారికి నట్టింటినిధి భృత్య పంక్తికిఁ బూర్వతపఃఫలంబు ఆశ్రితజనముల కరిదిచింతామణి యర్థికులంబున కర్థపేటి
