పుట:కామకళానిధి.pdf/15

గీ.⁠

అతఁడు శంభుమహాదేవు నధికభక్తిఁ గొలిచి యతని ప్రసాదంబువలన నలఘు పుత్రపౌత్రాభివృద్ధియు భూరిరాజ్య సంపదలు గాంచి జగతి ప్రశస్తి గనియె.

⁠

గీ.⁠

అమ్మహారాజు తనకు నర్ధాంగలక్ష్మి యగు సుమాదేవియందు శాహక్షితీశుఁ గనియె వాసవు డా శచీకాంతయందు ఘనజయంతుని గాంచిన క్రమము దోప.

⁠

శా.⁠

ఆశాహక్షితిపాలకుండు నిజబాహాజాగ్రదుగ్రాసిధా రాశీర్ణప్రతిపక్షభూమిభృదురఃప్రాలిప్తగోరోచనా శ్రీశోణప్రచురప్రతాపరుచియై శిష్టావళీరక్షకుం డై శాసించె ధరాతలంబు నయవిద్యాపారగుల్ మెచ్చగన్.

⁠

గీ.⁠

తనదుభుజశక్తియును శౌర్యధైర్యమహిమ గాంచి డిల్లీశ్వరుఁడు సంతసించి చెల్మి నాప్తుఁడై మహారాజవిఖ్యాతి నొసఁగ స్థిరతరవిభూతిచేతఁ బ్రసిద్ధి గనియె.

⁠

వ.⁠

మరియు నతండు.

⁠

సీ.⁠

శివనామకీర్తనాంచితము జిహ్వాగ్రంబు                      బహుపాకరుచుల నెబ్భంగి గనునొ?

⁠