పుట:కవిజనరంజనము (అడిదము సూరన).pdf/28

కవిజనరంజనము

ద్వితీయాశ్వాసము

⁠

శ్రీగిరిసుతాకుచోపరి భాగమృగీమదవిభాసిబాహ్వంతర, స ద్యోగిధ్యేయపదాంబుజ, భోగివలయ, రామచంద్రపురవరనిలయా!

⁠ 1

వ.⁠

అవధరింపుము.

⁠

చ.⁠

వలపులకు న్నిదాన, మలివారముగోరనికోర్కి జాతికిం దలఁపనికీడు, పాంథసముదాయముపాలిటి వేఱువిత్తు, కో కిలములనోముపంట,స్మరకేవలశౌర్యహుతాశిధాయ్య, రా చిలుకలభాగధేయ మిలఁ జెన్నలరారె వసంత మంతటన్.

⁠ 2

వసంతకాలవర్ణనము

సీ.⁠

తరుణపల్లవలతాంతములతో గూడనె                   వలరాజుశౌర్యకీర్తులు వెలింగె, నంచితసుమమరందాసారములతోన                   విరహిణీబాష్పాంబువృష్టి గురిసె, గమనీయలతికాప్రకాండంబుతోడనె                   శుకపికమధుకరోత్సుకత నిగిడె,

⁠