పుట:కవిజనరంజనము (అడిదము సూరన).pdf/10

కవిజనరంజనము

2

తే.⁠

పటుతరానర్ఘ్యరత్నసంపదల కోడి కొలువవచ్చెనొకో కోట జలధి యనఁగ నతిగభీరజలస్థితి నతిశయిల్లి పరిఘ చెన్నొందుఁ దత్పురవరమునందు.

⁠ 3

క.⁠

సాలోన్నతి కోడి మహా శైలములు దదంఘ్రిఁ గొలువఁ జనుదెంచెనెకో నా లీలాగతి మదశుం డాలంబు లగడ్త యనుకడలిఁ గ్రీడించున్.

⁠ 4

క.⁠

వీటిపటుఘోటకనిరా ఘాటత్వర కోడి పూరిఁ గఱచు హరిణముల్ మాటికిని దదారోహకుఁ డౌటం బవమానుఁడోడు టబ్బురమగునే.

⁠ 5

క.⁠

మొగములు వేగలశేషుం డగణితవాగ్గరిమ కోడు నని పల్కఁగ నా లుగుమొగములు గల యజుఁ డెన యగునా వీరికన వీట నలరుదురు ద్విజుల్.

⁠ 6

క.⁠

పుడమిం బొఱియలు దూఱెడు పిడుగులు, నడవులనె డాఁగు బెబ్బులి, గుహలం దడఁగెడు సింహము సరియే వడిగలతనమునను రాచవారికి వీటన్.

⁠ 7