107
ద్వితీయాశ్వాసము
ఉ. ఉగ్రతపఃప్రభావవిభవోద్ధతినుద్భవ మందెె నోసుప
ర్వాగ్రణి యిప్పుడాతపసియౌదాలనిత్యజలావగాహని
ష్ఠా గ్రహణాభిపాటలజటాపటలస్ఫుటలాలనాభృశ
వ్యగ్ర సమగ్రదీప్తి నివహప్రవహద్దహనాంకురచ్ఛటల్ .
క. ఇది మాసాష్టకమున సి
ద్దిద మిచ్చటి కెవ్వ రేఁగుదెంచి తపమునం
బొదలినఁ జెప్పుము నా కని
త్రిదశేశ్వర నన్ను నంపితిరి తద్వనికిన్. 176
క. అని చెప్పినఁ గలదు కలదు
నిను నట్ల వచించి యందు నిలిపితి ననియా
యనిమిషవిభుండు చారుని
ననుపుచుఁ బిలిపించెె రంభ నచటికి వేగన్. 177
క. పిలిపించి యవ్వధూటికి
నలఘుతరం బైనయట్టియాతపసితపో
బలమెల్లఁ దాను జారుని
వలనన్ వినినట్ల చెప్పి వాసవుఁ డంతన్. 178
ఉ. ఓలలితాంగి యీతపసి యుగ్రత నింత నితాంతదుర్గమా
భీలతపోధురంధరతఁ బేర్చుట నాసురరాజ్యలక్ష్మిఁ దా
నేలఁగఁ గోరి కావలయు నిప్పుడ దీనికిఁ బ్రత్యుపాయముం
జాలఁగనెంచి చేయఁదగు సంశయ మంతయుమానునట్లుగన్ 179
