సీ. |
శ్రీకరగోపురప్రాకారరుచిరంబు
బహురత్నమయహర్మ్యభాసురంబు
కేతనదీవ్యన్నికేతననికరంబు
హారిరూపప్రమదాకరంబు
భూరితురంగమవారణప్రకరంబు
భవ్యతూర్యనినాదభాస్వరంబు
సమరసముద్భటసద్భటవిసరంబు
సురుచిరాలంకారసుందరంబు
|
|
గీ. |
చారునిజపరిఘాయితసాగరంబు
మహితసంపత్పరాజితామరపురంబు
నూత్నమణిగణధారణీనూపురంబు
కాంచె నాచంద్రముఖి ద్వారకాపురంబు.
| 81
|
వ. |
ఇట్లు గాంచి యనిరుద్ధుం దోడ్కొనిపోవునదియై తదీయభవన
సమీపంబున సూక్ష్మాకారంబున నిలిచి తాను కైతవంబునఁ
బ్రద్యుమ్నసూనుఁ దోడ్కొని చనిన వనజలోచనుఁడు కోపించి
తన్ను శపించు ననుతలంపున నొక్కింతఁ జింతింపుచుఁ దత్ప్రాం
తంబున.
|
|
చిత్రరేఖ నారదమునీంద్రుని గాంచి యతనికి సకలవృత్తాంతముల నెఱింగించి తదనుమతిని బడయుట
క. |
అరవిందముకుళవిగళ
ద్ద్విరేఫఝంకృతివినిద్రవిహగోత్కరమున్
పరిసరవిసృమరకేసర
పరిఫుల్లేందీవరమును బద్మాకరమున్.
| 83
|