| సీ. |
ఆ సఖీమణి సప్తవాసరములలోన
నట్లన గీర్వాణయక్షవరుల
దనుజముఖ్యులను గంధర్వకిన్నరులను
మహినిఁ బ్రసిద్ధులౌ మనుజపతుల
భావంబుమీఱ గొప్పపటంబునను వ్రాసి
యాపటంబును గొంచు నతిజవమున
నెప్పుడెప్పుడటంచు నెదురుచూచుచు మదిఁ
గలఁగుచుండెడు నుషాకన్యఁ జేరి
|
|
| గీ. |
తాను దెచ్చినపటము ముందఱను నిల్పి
కన్నె! కను మిప్పటంబున నున్నవారి
వన్నె మీఱు సురాసురకిన్నరోర
గప్రముఖులైన సౌందర్యఖనుల ఘనుల.
| 58
|
| క. |
వీరల నందఱఁ గనుఁగొని
కోరికలను నిన్ను ప్రేమఁ గూడిన పురుషున్
నీరజముఖి! యెఱిఁగించిన
జేరువకున్ దోడి తెత్తుఁ జెలువుగ నతనిన్.
| 59
|
చిత్రరేఖ చిత్రపటములందలి నాయకుల వర్ణించుట
| వ. |
అని పలికి తదనంతరంబ చిత్రరేఖ యిట్లని వివరింపఁదొణంగె.
|
|
| సీ. |
పరికింపు కృతనేత్రపర్వులై వెలయు సు
పర్వులు వీర లోపద్మగంధి!
తమిఁ జూడు రుచిరగాంధర్వులై చెలఁగు గం
ధర్వులు వీర లోతలిరుఁబోణి!
|
|
