పుట:ఉషాపరిణయము (పసపులేటి రంగాజమ్మ).pdf/71

⁠

నెదురుగా విరిసరుల కింతి! యెంతటి ఱాఁగ మల్లెమొగ్గలు మీఱె మరుని సెలగోల లన నెల్లెడలఁ దనచాయ లెనయ నిదిగో లలన బింబోష్ఠి! యేనె తగఁ బెంచితి [1]1రసాలమును డంబైనయట్టి నీడల యీ రసాలమును ఎంత దూరము చనియె నెందుకే యీ లేమ కంతుపూజకు నన్నఁ గనకములె యీ [2]2లేమ! వేడుకలు నించె నిట వెలఁది! నారంగములు నాడగా గుంపులై యలరె సారంగములు అవుర! బంగరుచాయ నలరె జంబీరములు యువతి! నీ కుచము లెనయునె? వట్టిబీరములు కురువిందగుత్తి గైకొను మేల జగడంబు? పరికింపు దీనికిని ప్రతి యగునె పగడంబు? చాలు నిఁక నన లనుచు సరసోక్తులను బెనుచు బాళి మీఱఁగం జాల బాణనందన మ్రోల.

⁠

క.⁠

వనకేళి సలిపి యీ గతి నెనసిన తమ మేనిబడలి కెంతయుఁ దీఱన్ దనరెడు తామరకొలనికి వనజేక్షణఁ దోడుకొనుచు వచ్చిరి వేడ్కన్.

⁠

సీ.⁠

తావులు వెదజల్లు తామరవిరి యను         ముద్దులుఁగుల్కు నెమ్మోముఁ దనర డాలు గల్గినయట్టి వాలుగమీ లను         కడు సోగలై మించు కన్ను లమర

⁠

1. అనురాగరూపనీరములతో - అని యర్థము
2. ఈయలేమ?-అని యర్థము