పుట:ఉషాపరిణయము (పసపులేటి రంగాజమ్మ).pdf/69

30

ఉషాపరిణయము

⁠

గలికి లేఁజూపులు గలిగిన బయిటను         గలువతోరణముల చెలువు వెలయ నెఱికొప్పు బలుకప్పు నిగ్గుదోఁచినచోట్ల         నీలముల్ వెదచల్లు నీటుదనర

⁠

గీ.⁠

బాణనందనయైనట్టి పద్మగంధి మందయానలు కొలువంగ నందముగను మనసు నాథునిపై నిల్పి మచ్చికలర వన్నెమీరిన యుద్యానవనముఁ జేరె.

⁠ 5

వ.⁠

అప్పుడు.

⁠

క.⁠

రామా! రమ్మని చెలు లా రామంబునుఁ జూపఁదలఁచి రమణీయవచ శ్రీమెరయఁ బలికి రీగతిఁ గోమలికిని బొద్దుఁబుచ్చు కోరికతోడన్.

⁠ 6

సీ.⁠

పరిమళంబులు నించు పసిఁడికైవడి మించె         సంపెఁగల్ జూచితే సరసిజాక్షి! పంచబాణునికీర్తిపగిది రాణించెను         బొండుమల్లెలుఁ జూడు పువ్వుఁబోణి! వనలక్ష్మిమౌక్తికవరహార మన మీరెఁ         బొన్నమొగ్గలుఁ జూడు పుష్పగంధి! యొప్పారె ధరసేసకొప్పుచందంబున         సేవంతులను జూడు చిగురుఁబోణి!

⁠

గీ.⁠

మాధవునికొలువుకూటాలమాడ్కిఁ దనరెఁ గన్నె! చూడుము పుప్పొడిదిన్నె లిచట ననుచుఁ జెలి నెచ్చరించుచు హర్షమునను వనవిహారంబునకుఁ బూని వనజముఖులు.

⁠ 7