పుట:ఉషాపరిణయము (పసపులేటి రంగాజమ్మ).pdf/53

14

ఉషాపరిణయము

⁠

తులకించుదొండపండులఛాయఁ దెగడెడు         మురువుచే మించు కెమ్మోవివాఁడు పాంచజన్యముతోడఁ బ్రతివచ్చు ననవచ్చు         కలితరేఖలఁ బొల్చు గళమువాఁడు

⁠

గీ.⁠

నురము బంగరుతల్పన నొప్పువాఁడు భోగిభోగాభభుజములఁ బొలుచువాఁడు లలితగజరాజగమనంబుఁ గలుగువాఁడు కనకములమించునిరసించు కాంతివాఁడు.

⁠ 32

సీ.⁠

సంపంగిపువ్వులు సరసత సిగఁ జుట్టి         బురుసారమాల్గట్టి పొంకమమర నర్ధచంద్రునిసొంపు నదలించు నుదుటను         దీరుగాఁ దిలకంబు దిద్ది వేడ్క శ్రీకారములమించు చెలువంబుఁ గల్గిన         వీనులఁ జౌళట్లు వెలయ నుంచి బటువుముత్తియముల బాగుగాఁ గూర్చిన         కంటసరుల్ దాల్చి ఘనతమీరఁ

⁠

గీ.⁠

దనర నురమున వజ్రాలతాళి వైచి హస్తములఁ గెంపుకడియము లలరఁ బూని వసుధ జీరాడు చుంగులవన్నెఁ గాంచు మేటి కనకాంబరమువలె వాటుఁదనర.

⁠ 33

క.⁠

బంగరుమంచముమీఁదను సంగతిఁ గూర్చుండి మిగులసరసత్వముచే నంగనఁ దగ రారమ్మని శృంగారరసంబు మీరు చెలువం బమరన్.

⁠ 34