పుట:ఉషాపరిణయము (పసపులేటి రంగాజమ్మ).pdf/44

ప్రథమాశ్వాసము

5

⁠

కటాక్షింపుఁడని విన్నవించిన లాలించి యాచార్యచరణారవిందంబు లకు వందనంబుఁ గావించి యమ్మహామహునియనుజ్ఞం గైకొమ్మ నుటయు నట్లన సేవించిన దీవించి గురురాజపట్టభద్రుం డిట్లనియె.

⁠

కృతభర్తృవంశము

క.⁠

నీపతి మన్నరుదాసుఁడు గోపాలుఁడు కనుక నితఁడు కోర్కెలు హెచ్చన్ జేపట్టి మనుప నెలకొను నాపలుకుల నెలఁత! నీ ముఖాంబుజసీమన్.

⁠ 7

వ.⁠

అని మఱియును.

⁠

సీ.⁠

తనరెడు మన్నరుదాసవిలాసంబు         నమర నీవొనరించు నప్పుడేము విజయరాఘవమహీవిభుని వంశావళి         వినుపించితిమి కదా! విశదముగను గీర్తులుమీరిన కృష్ణభూపాలుండు         నయశాలి యగు తిమ్మినాయకుండు దివ్యతేజముగల తిమ్మప్పనాయుండు         శ్రీనిధియైనట్టి చెవ్వనృపతి

⁠

గీ.⁠

చెలఁగి శ్రీరంగమున రామసేతువునను బొగడ బహువిధకైంకర్యముల నొనర్చి యచ్యుతాళ్వారు లితఁడన నవని వెలయు నచ్యుత విభుఁడు నలరిరి యతిశయమున.

⁠ 8

క.⁠

అల యచ్యుతభూవిభునకు నలఘుయశఃస్ఫూర్తి మూర్తిమాంబకు సుతుఁడై వెలసె రఘునాథమహీ తలపతి రఘునాథుఁ డితఁడె తప్పదనంగన్.

⁠ 9