| మ. |
ఇటు లాడన్ దగునయ్య! మీరు కృపచే నెందే వసింపన్ జయం
బటఁ గల్గున్ మది నెంచి చూడఁగ ధ్రువం బాశ్చర్య మా యిప్పుడ
క్కట! లోకైకశరణ్య! నీవిటు ననుం గారుణ్యదృష్టి నుతిం
చుట నాభాగ్యముగాదె పద్మజముఖస్తుత్య ప్రభావాశ్రయా!
| 13
|
| సీ. |
కర్తవు సకలలోకములకు నాద్యుఁడ
వఖిలకామప్రదాయకుఁడ వీవ
బ్రాహ్మణప్రియుఁడవు బహుయోగమానసాం
భోజరాజత్పదాంబుజుఁడ వీవ
కల్యాణగుణుఁడవు కరధృతచక్రగ
దాశంఖశార్ఙ్గనందకుఁడ వీవ
భక్తవత్సలుఁడవు భవ్యనాభిసరోజ
జనితసరోరుహాసనుఁడ వీవ
|
|
| గీ. |
యిట్టి మిమ్ము నుతింప నే నెంతవాఁడ
నిపుడె తనమీఁద వేంచేసి రిపుజయంబుఁ
గను మటన్న జయార్థ మర్ఘ్యం బొసంగె
స్వామి యతనికి జయజయధ్వనులు చెలఁగ.
| 14
|
| గీ. |
అంత సాత్యకి మొదలైన యాదవులను
ద్వారక యుంచి శౌరి యుదారలీలఁ
బన్నగాశనుపై బలభద్రమకర
కేతనులతోడ నెక్కి సంప్రీతుఁ డగుచు.
| 15
|
ఖగవాహనారూఢుఁడై గగనమార్గమున నేగు శ్రీకృష్ణుని చారణులు స్తుతించుట
| ఉ. |
మాగధసూతవందిజనమౌనివరుల్ వినుతింప నేగుచో
వే గగనంబునందు జయవిశ్రుతభాషణులైన చారణుల్
|
|
